قصيدة تتبدل الاحوال للشاعر : نور الدين مقدم

قصيدة:"تتبدل الأحوال"

                                                                        للشاعر:نور الدين مقدم

الامتحان يكون فالدنيا والدين	سنة مولانا اتصنف واترتب
اصحاب الشمال واصحاب اليمين	ما يتلاقا المر بالفرع الطيب
اهدى الحمله ترفد الخملاش[1] الشين	والمعدن الزين من غيره يرسب
زيد قدح[2] معروف بلوانه زينين	بعد الزره[3] راه يعلى ويغيب
القوبع [4]ما دير فرق يكون متين	واذا قالت درت فالواقع تكذب
الفرطاس ابقى ايصدر بوقرنين	وشويدي في شجرته طامع يحلب
دب كلاب  ايهرمبرز ترقالين	والفاهم تهداه تديه الثعلب
فالصوره تلقاه صانع روحه زين	واللي ذاقو يرهجه حتى يقلب
اتحايا والذلال ماتو قاع اسنين	بعد ما صابو الدنيا تتقلب
اللي هترف قارنوه مع الفطين	قالوا ذا زعيم كي يعرف يخطب
العايب يلهف داروله كرعين	واتصبح دليل فالناس ايدرب
قال هدة لكلاب خاوه ملمومين	عند الجيفه خيهم غير المخلب
لاه الجحش يكون له سرج وتبطين	والخيل كي كانت اعزيزه تحطب
لبغل بالصكه يحشلف لملايين	ما يرقدش الليل في راسه يحسب
الطماع ايبات في حفرات الطين	يحفر فالليل طامع فالمطلب
والقانع بالكاينه هاني ورزين	تكله في مولاه للدعوه يوجب
المشروع احضى اوبى هذ السنين	والشعار انتاعهم عمر واهرب
يوم وليله جاب لوطو من لوزين	وانسى وقت ان كان في باطه يكرب
لا تتعجب فالتسعتو رهطين	لاتتسنى خير من جرو العقرب
البرطال[5] انقب العنبه والتين	والقنفود ايبات ساري يتكركب
الحلوف على البصل ينسف واينين	لبحيره من جرته تقعد ملعب
لخيار من المال يديه اكعيلين[6]	ويقربيها حين يغراب المغرب
حتى الفار ايجيك ما تعرفش منين	لفراشات الزايخه ليها يعطب
البصيرة راحت ابقاو العينين	درك الناس اليوم فيها تتعجب
حارم روحه مادا معاه عوين	ناسي يوم الهول من أهله يهرب
سوق الدنيا ايروح تقعد لكراطين	يلعب بيها الريح والصادق يكسب
اللي ما عندوش قلب يموت سمين	والعارف تلقاه شاقي متعذب
بعد الشدة يفرج الله المعين	والأرض لي ميته راها تعشب
قادر مولانا يعز المسلمين	ويقبل خليجهم شط المغرب
ما يبقى بيناتهم باكي وحزين	ما يبقى من راه عايش متغرب
انكونوا لاباس خاوه متهنين	تطفى هذا النار الي راها تلهب
تتصافح يبرا المرض الشين	فالسنه واكتابها هذاك الطب
والحمد لله رب العالمين	العالم باللي اتجي ولي تهرب
والصلاة على النبي جد الحسنين	مول الرساله لي ذكرو يعجب

---

[1] -الخملاش:الرواسب التي تطفو فوق الماء.

[2] -زيد قدح:قوس قزح.

[3] -الزره:العاصفة الشتوية المصحوبة بالأمطار أو الثلوج.

[4] -القوبع:الطائر الصغير.

[5] -البرطال :طائر صغير يستهدف المحاصيل الزراعية في الحقول.

[6] -كعيلين:لقب يطلقه سكان بوادي منطقة البيض على الذئب.

ديوان بومدين بن سهلة التلمساني

من دواوين  تراث الشعر الشعبي  :ديوان بن سهلة التلمساني

                                                                  تحميل الديوان

حصريا على مدونة بيت القصيدة الشعبية:قصيدة الخيمة للشاعر نواصر الحاج براهيم

هذه القصيدة من روائع الشاعر الحاج نواصر ابراهيم من برزينة :

قصيدة الخيمة             

ياذا الخيمه نسولك قولي ليا	واحنايا كيفاش ذا الوقت تركناك
انت كانت كاسبتك  بدويه	من حبك دارت الريش جمالك بهاك
وأتصلح واش ضاع منك كليا	فليجك قزله صوف وشعرذاك سداك
قالت ماننساش  خيمتي عيب عليا	ويلا ضعتي ما نصيبش واش لداك
أبنات ينفضوك صبحه وعشيه	وفالبني يكسلوك يتسقم  مطواك
كي نمشي يرخسوك ما تسوى حيه	ذالجيل يهمشوك ورشيتي مقواك
قالوا ما نسكنوش هذ المخليه	جانا فيها الريح وصهاده تلقاك
خيار السكنة حواش وغرف مبنيه	فيانس ورخام حاجه ماتذاك
والتاقه فيها الزاج وانطل أنيا	نتمتع بالعطور وكحل والمسواك
هذا هو الزوخ خدمة  عصريه	والقاز مع الحيوط راه يزل شقاك
هذي هي حالتك ياقصريه	ويابدوية صحيح رانا والفناك
نرجعلك يالبيت في ذالحكايه	أبناوك في القصور والمنضر وتاك
شعار ايقصدوك بكل قصيه	الشعر الملحون زادو ليك ثناك
قصابة وطبول والى قنايه	والمداحه جميع هذا ولا ذاك
اجمايع جا لسين كاس وصينيه	وبراد الصاصبو يسربي فيه حذاك
الشعر الملحون تلقاه هنايا	القافيه وزن مافيها تشكاك
بالآلة سجلوه فرقه فنيه	وأنت يا خيمه إذاعة قاع سواك
تراث نسجلوه  يبقى ذكرايه	والجيل اللي صغير كي يكبر يلقاك

                                            الشاعر: نواصر الحاج براهيم

حصريا على المدونة:قصيدة الرشوة للشاعر :بوراس الشيخ

                                         

                                 قصيدة :   الرشــــــــــــــــوة

شفـــت الرشوة تخـــالطت مع المنكر                    وحملـــت منّو بلا شــــرع قــــبل الزواج

جابت ولد يبــــــان لك طفل صـــــغير                    يدوح في وسط المهد لبدى دحـــــــــراج

ناضوله نـــــيبـــان قبل ما يهــــــــدر                    وكبرت كــرشو بلا عبر و الراس عواج

يا عجابة عاد يمشي بعد شهـــــــــــر                    يتنقمش بين خاوته رايـــــــــــــح دراج

سقــــسيـــــته على اسمه قال مغـــير                    حسب البيـــئه نبدله كيما نحتـــــــــــــاج

مرات اســــــمى الظــــلم للحق نكسر                    هادى هى طبـيعــتى ليكم بلطــــــــــــــاج

يا ويــحه من شـــــاف فيا وستخـــبر                    صحوه رانى نبــنثره يــرجع عجــــــــاج

ومرات الفـــساد ونحـــب ندمــــــــــر                    بين قـــرانى نعـــــــــــود للبخــسة رواج

واللى خالـــطنى حياته تتعـــكــــــــــر                    درك صحابى نلـــوحهم وسط الــــــهراج

الرابح فيهم راس مـــالــه يـــــــتــودر                   والخــــــــــــاسر نـــهداه موكة فى صناج

نقعد وحدى فى القعادى نتــجـــرجــــر                   ونـــــــحلق في الســما على ناسى عراج

نعشق فى القصور والا فى المنـــــبـر                    هدا عــرشى ودواهلى بيهم غنـــــــــــاج

ياهوان الصاعبة كى تتــــعســـــــــــــر                   ياحفيــظ تفكنا من داالقربـــــــــــــــــــاج

واللى طلبك دايما ليه تــــــــــــــيــــسر                   ومن صفــــــــــــــاتـــك يا الله انت فراج

وواش يجيك من الرشاوىوالمنــــــــكر                   وعمر الشوكة ما تولى لك فـــرمــــــاج

هدا الشاعر بعد ما يكتــــــــب يشعـــــر                   دريــنه تـقـــلب دركـــشوه على الزجـاج

ندلك فيها على اسمى كونــك شـــــاطر                   خمــس حــروف مشــكـلاته فى الانتـــاج

الالف واللام ,شين لحقــــتــــــهم تنظر                   ضربـــتها يا،وجاء ،الخا، خاتم قـــــفلاج

و النكوة بوراس ما نيش مقـــــــــــصر                  اغواطى معروف بين ماسين ووجــــــاج 

                الشاعر.....بوراس الشيخ....... البيض يوم:10 جوان2011

تسجيل للشاعر فشفوش الناصر